Вы на старонцы для падачы заяўкі на Беларускую прэмію кінакрытыкаў «Чырвоны верас’26».
Падаваць заяўку запрашаюцца праваўладальнікі карціны ці ўпаўнаважаныя ад іх асобы. Прэтэндаваць на прэмію могуць каротка- і поўнаметражныя ігравыя, дакументальныя і анімацыйныя фільмы. Журы таксама адзначае ўзнагародамі фільммэйкераў сярод аўтараў пададзеных на прэмію стужак.
Трэцяя эдыцыя «Чырвонага верасу» прымае да ўдзелу фільмы, прэм'ера якіх адбылася ў 2023 і 2024 гадах на тэрыторыі Беларусі ці за мяжой альбо на онлайн-платформах. Фільмы, створаныя ў гэты час, але не дэманстраваныя публічна, таксама могуць быць намінаваныя на Прэмію. Журы не разглядае стужак, знятых з удзелам дзяржаўных сродкаў рэжымаў Беларусі ці Расеі. Падрабязней аб прэміі ды яе механізмах можна прачытаць у рэгламенце.
